سيارة فيات 128 سعر و مواصفات و مميزات وعيوب و مشاكل وحلها واسعار قطع غيار Fiat 128

مواصفات سيارة فيات 128

فيات 128
نظرة عامة
المصنع	فيات
الإنتاج	1969-1985
الفئة	سيارة عائلية صغيرة
التجميع	إيطاليا: ريفالتا، تورينو الأرجنتين: بوينس آيرس المغرب: الدار البيضاء كولومبيا: بوغوتا سريلانكا: هوماجاما مصر: حلوان
المحرك وناقل الحركة
المحرك	1116 سي سي 128.A.000 1290 سي سي 128.A1.000
ناقل الحركة	عادي (4 سرعات)
الوزن والأداء
الوزن	750-770 كجم
الهيكل والجسم
الشكل	سيدان 2-باب سيدان 4-باب ستيشن 3-باب ستيشن 5-باب كوبيه 2-باب كوبيه 3-باب
الأبعاد
قاعدة الإطارات	2,445 مم
الطول	3,850 مم
العرض	1,590 مم
الارتفاع	1,340 مم
ترتيب الإنتاج
فيات 1100 فيات ريتمو

اعتبرت فيات 128 نقطة تحول في تاريخ صناعة السيارات على مستوى العالم. قبل عصر ال128 كانت كل السيارت تقريبا دفع خلفى، باستثناء موديلات قليلية من ستروين ورينو كانت مبنية على تكنولوجيا معقدة جدا لم يكتب لها الإستمرار تتمثل في محرك مثبت بطول السيارة وجيربوكس في مقدمة المحرك يحول الحركة من حركة طولية إلى حركة عرضية تغدى العجلات، حتى قدمت فيات للعالم تصميمها الثوري الذي تزامن مع تصميم السيارة مينى جونيور، المبنية تقريبًا بنفس التصميم المتمثل في محرك مثبت بعرض السيارة وجيربوكس موجود على يسار المحرك ينتهى بمخرج يخرج منه محوري جر غير متساويين في الطول يغذيان العجلات. كما كانت فيات من آوائل من جرؤ على تقديم هذا التصميم العجيب آنذاك، والذي صار هو تصميم كل السيارات تقريبًا في الوقت الحالي. خلق هذا التصميم أول سياره جر امامي ناجحة وأدى إلى ميزات كثيرة ربما أهمها توفير الكثير من مساحة السيارة لاستخدام الركاب، ورأينا كيف أن هذا التصميم وفر حتى مساحة كبيرة في غرفة المحرك حتى انه امكن وضع الإطار الإحتياطى بها، مع ملاحظة ان صالون ال128 كان يماثل في الحجم صالونات سيارات أكبر منها كثيرا من ذوات الجر الخلفي، أما بالنسبة للمحرك فقد كانت ال128 من أوائل السيارات التي حصلت على محرك ذو كامة علوية SOHC في العالم وهذا أيضا أعطاها ميزات رائعة فيما يخص هدوء المحرك والسرعة القصوى. حصلت الفيات 128 بهذا التصميم الثورى على جائزة car of the year لعام 1970.
كما انه بعد نجاحها عالميا بدأت شركات كثيرة تستوحي تصميمها لإنتاج موديلات جديدة، ربما كان اشهرها على الإطلاق فولكس فاجن التي قررت في أوائل السبعينات التخلى عن رائعتها البيتلز بعد نجاح دام 30 سنة وتقديم بديل عصري، ولذلك فقد استوحت تماما تصميم ال128 الجديد آنذاك، لتنفيذ السيارة جولف عام 1975 والتي جائت ترسيخًا لفكرة الجر الأمامي ودفعًا لها خطوة أخرى على طريق النجاح.

تاريخ السيارة في مصر

من أكثر السيارات التي ساهمت في كتابة تاريخ مصر المعاصر السيارة فيات 128، سيارة كل المصريين في الربع الأخير من القرن العشرين. فقد انتهت المفاوضات بين فيات ونصر للسيارات لإنتاج الموديل 128 في نهايه عام 1971، وتم عمل حفل لبدء إنتاج السيارة تصدرته تورتة كبيرة على شكل سيارة 128، وظهرت السيارة 128 في السوق في بدايات عام 1972. كان الحال في مصر آنذاك سيئًا، سيناء محتلة، عبد الناصر الذي نصبه المصريون انذاك أبا روحيا لهم قد اختفى عن الساحة، لا توجد أي تباشير امل بتحقيق نجاح في مسألة استرداد الأرض، القوة العاملة من الشباب كلها على الجبهة في سيناء، كان هذا الجو العام من الإحباط وضيق ذات اليد سببا في تأجيل نجاح ال128، إلى جانب نفور المصريين الكارهيين للتغير بطبعهم من الجديد المتمثل في فكرة الجر الامامي والشكل المختلف عما ألفوه.
ظلت مبيعات ال128 قليلية وانحصرت في الغالب في احتياجات الجيش والشركات والتاكسي، في حين كان المصريون في ذلك الوقت يفضلون الحصول على فيات 1100 مستعملة، ومن كان منهم يستطيع السفر للخارج كان جل همه هو العودة بسيارة فولكس واجن بيتلز، التي كانت سيارة المصريين المفضلة في سنوات النكسة. ومع غروب شمس العام ال1973 وعودة الإبتسامة إلى وجه مصر بعد حرب أكتوبر، بدأت الرغبة في الحياة تعود للمصريين، ومع قرارات الأنفتاح وإعادة فتح فناة السويس، واستثمارات البترول في مصر وسفر المصرين إلى بلاد البترول، انتعشت مبيعات ال128، التي كانت في ذلك الوقت قد نحجت في تكوين سمعة رائعة كسيارة سابقة لعصرها من خلال تجربة من اشتروها وخاصة سائقى التاكسي، كانت ال128 تتميز عن الأجيال السابقة من السيارات بهدوء محركها الذي يعود إلى التصميم ذو الكامة العلوية، كما تميزت بسرعة قصوى تصل ال 160 كيلومتر في الساعة لم تكن معتادة من مثل هذة السيارات انذاك، ولذلك فقد بدأ المصريون الذين نفروا منها في البداية يلتفون حولها ويقبلون عليها.
ومع كل العوامل السابقة ومع ظهور الشكل الجديد من ال128 الذي عرف في مصر ولا زال يعرف بذلك الاسم "المعدل" والذي التصق بال128 ذات الفانوس الامامي المربع ولم يطلق على غيرها، تحولت ال128 إلى علامة نجاح لاى فرد من افراد الطبقة المتوسطة، حيث ان الكثيرين في تلك الفترة قد انتقلوا من فئة راكبي الإتوبيس إلى فئة راكبي السيارات، وكان جل هم أي رجل من الطبقة المتوسطة يجد في جيبه بعض الجنيهات الفائضة شهريًا ان يقوم بحجز ال128. في نهايات السبعينات واجهت ال128 هجمه شركة من الإتجاهين الشرقى والشمالى حيث كان العائدون من الشرق من دول البترول يفضلون الإتيان بسياراتهم-التي كانت في الغالب يابانية مثل الداتسون 120Y والتويوتا كورولا القديمة من حيث يعملون، كما أن التجار المصريين في هوجة الانفتاح عرفوا طريقهم إلى الشمال إلى مدينة انتويرب البلجيكية والتي كانت تمثل سوق السيارات المستعملة في أوروبا وقاموا بإغراق السوق المصري بسيارات أوروبا المستعملة مما أدى إلى تراجع مبيعات ال128 والسيارات الأخرى التي كانت تنتجها شركة النصر ورغم ذلك فإن السيارة ظل لها عشاقها وظل طابور الحجز موجودا ولكن مع وجود بدائل أخرى كثيرة.
مع نهاية العام 1981 وحادث المنصة الذي راح ضحيته الرئيس السادات صاحب قرارات الانفتاح، بدأت مصر في التراجع بشدة في سياساتها الانفتاحية وظهرت آلاف الضوابط على استيراد السيارت المستعملة من الخارج، ادت إلى توقف هذة التجارة عمليا، عادت سيارات شركة النصر لتصبح هي الحل الوحيد المتاح للركوب. والنتيجة الحتمية المعروفة هي رداءة جودة المنتج التي بدأت تظهر شيئا فشيئا مع السياسات الاحتكارية، وفى ذلك الوقت تحولت علاقة المصريين بال128 قوية وخاصة بعد أن جرب الكثير منهم سيارات أوروبا المستعملة من طرازات افخم، وبعد القفزات المتوالية لسعر ال128 من اربعة آلاف جنيه في عام 1979 حتى وصل سعرها إلى 18 الف جنيه عام 1986، ولم يكن السعر هو كل شيء حيث كان الحصول عليها يستلزم الحجز لمدة تزيد أحيانا عن السنة، أو الدفع بالدولار لتخفيض مدة الحجز إلى ستة شهور.
منذ العام 1984 كانت فيات قد توقفت عن إنتاج ال128 ،ولكن نجت شركة النصر في عقد أتفاق مع شركة زاستافا- التي تحول اسمها لاحفا إلى يوجو- اليوجوسلافيه (صارت صربية بعد تقسيم يوجوسلافيا)، للحصول على أجزاء السيارة 128. وفى منتصف العام 1988 تم عمل تعديل محدود في السيارة 128 حيث ظهرت بمحرك 1300 بدلا من 1100 وجيربوكس ذو خمسة نقلات وتعدلات طفيفة جدا في شكل الكبوت وزجاج الأبواب. وفي العام 1992 وبعد اشتعال الحرب على الأرض اليوجوسلافية بين جمهوريات الصرب والجبل الأسود والبوسنة والهرسك بدا واضحا توتر العلاقات المصرية مع الصرب لمساندة مصر لقضية البوسنة والهرسك مما عرقل توفير لوازم إنتاج ال128.في تلك الفترة ظهر عدد من مجلة الأهرام الإقنصادى على غلافه صورة كاريكاتورية لل128 تحاول الفرملة ويد عملاقة تشير لها بالوقوف، والتعليق: "مصير ال128 في يد مجلس الأمن".
توقف إنتاج ال128 في عام 1992 لظروف الحرب، وكانت شركة النصر انذاك في بداية قصتها من الدوجان والشاهين، كما ظهرت لاول مرة في مصر سيارة مجمعة محليا قطاع خاص (سوزوكى سويفت)، مما أدى إلى اختفاء ال128 من خطوط الإنتاج في مصر، وبدا كأن تلك الملحمة التاريخية قد وصلت إلى كلمة النهاية. ولكن بعد اربعة سنوات وبعد نهاية الحرب، عادت شركة النصر لتعلن عن طرح موديلات جديدة من ال128 عام 1996، لم يكن السعر منافسا في البداية مما أدى إلى عدم بيع اعداد كبيرة من ال128 ولكن مع عام 2000 انخفض السعر بشدة لمنافسة (كيا برايد) لها، وكانت ال128 تباع انذاك ب24 الف جنيه، ومع ذاك بدا واضحا ان حبيبة المصريين العتيدة قد فقدت عرشها لصالح فتيات كوريا الرشيقات.
في خلال العامين التاليين من 2000 وتى 2002 قفزت أسعار كل السيارت لأعلى بسبب الارتفاع الجنوني في سعر الدولار مما فقز بسعر ال128 إلى 33 الف جنيه، ولم يكن الإقبال عليها شديدا فتوقف أنتاجها للمرة الثانية عام 2002، وللمرة الثانية اعتقد جميع المصريين ان هذة هي النهاية الحزينة للسيارة التي نافست طبق الفول المدمس على حب الشعب المصري.
ولكن كالعنقاء التي تبعث من الرماد، عادت شركة النصر للسيارت في اواخر عام 2005 لتعلن عن فتح باب الحجز لسيارات 128 جديدة بيدأ تسليمها في مارس 2006، فيما عبرت عنه إحدى مجلات السيارات بهذة الجملة البليغة: "سيارة الشعب المصري تعود للشعب المصري"، وتباع بسعر منافس جدًا وضعها من جديد على قائمة المنافسة، ولكن على ارخص سعر، حيث ان ال128 بشكل أو بآخر قد أصبحت حاليًا قديمة الطراز.

منقول من ويكيبيديا

صور السيارة فيات 128

مواصفات السيارة فيات 128

سيارة فيات 128 بمحرك 1100cc

1- عدد اسطوانات المحرك : 4(محرك اماميفي خط موازي لمحور العجلات).
2- سعة الاسطوانات : 1116 سنتمتر مكعب.
3- الجوف /الشوط : 80/55.5 ملليمتر (بنسبة 4 ر1 : 1).
4- نظام الية الصمامات : علوي-كما أن عمود الكامة علوي.
5- نسبة الانضغاط : 8 ر8 : 1.
6- القدرة القصوي للمحرك : 55 حصان عند سرعة 600 ل/د.
7- العزم الاقصي للمحرك : 86 ر7 كيلوجام متر عند سرعة 3600 ل/د.
8- عدد نقلات تغيير سرعة : 4 نقلات (صندوق التروس - تغيير يدوي).
9- سرعة السيارة عند 100 ل/ق 24 كمفي الساعة.
10- هيكل السيارة : وحدة شاملة.
11- التعليق الامامي : عدد 2 ياي ملفوف، عدد 2 ممتص تليسكوبي لذبذبات، قضيب مانع للترنح.
12- التعليق الخلفي : عدد 2 وحدة يايات ورقية بيضازية الشكل، عدد 2 ممتص تليسكوبي للذبذبات.
13- آلية التوجية : نظام الترس وحلزونة.
14- فرامل العجلتين الاماميتين: نظام القرص (الديسك).
15- فرامل العجلتين الخلفيتين : نظام الطنبور.
16- الاطارات : مقاس 145-13.
17- سرعة دوران المحرك : 5800 لفة / دقيقة.

سيارة فيات 128 بمحرك 1300cc

1- عدد اسطوانات المحرك : 4(محرك اماميفي خط موازي لمحور العجلات).
2- سعة الاسطوانات : 1320 سنتمتر مكعب.
3- الجوف /الشوط : 80/55.5 ملليمتر (بنسبة 4 ر1 : 1).
4- نظام الية الصمامات : علوي-كما أن عمود الكامة علوي.
5- نسبة الانضغاط : 8 ر8 : 1.
6- القدرة القصوي للمحرك : 68 حصان عند سرعة 600 ل/د.
7- العزم الاقصي للمحرك : 43 ر9 كيلوجام متر عند سرعة 3600 ل/د.
8- عدد نقلات تغيير سرعة : 5 نقلات (صندوق التروس - تغيير يدوي).
9- سرعة السيارة عند 100 ل/ق 35 كمفي الساعة.
10- هيكل السيارة : وحدة شاملة.
11- التعليق الامامي : عدد 2 ياي ملفوف ،عدد 2 ممتص تليسكوبي لذبذبات، قضيب مانع للترنح.
12- التعليق الخلفي : عدد 2 وحدة يايات ورقية بيضازية الشكل، عدد 2 ممتص تليسكوبي للذبذبات.
13- آلية التوجية : نظام الترس وحلزونة.
14- فرامل العجلتين الاماميتين: نظام القرص (الديسك).
15- فرامل العجلتين الخلفيتين : نظام الطنبور.
16- الاطارات : مقاس 145-13.
17- سرعة دوران المحرك : 5800 لفة / دقيقة.

كل كتالوجات السيارة ال 128 العادة والمعدل باللغة العربية واللغة الايطالية 

عبارة عن ملفات PDF شامله كل حاجه سواء دليل الصيانة ( الميكانيكا والكهرباء ) او قطع الغيار .

- كتالوج فيات 128 العربى معدل 1

- كتالوج فيات 128 العربى معدل 2
 
- كتالوج قطع الغيار الاصلية 128 باللغة الايطالية

- كتالوج فيات 128 العادة باللغة الايطالية

مقارنه بين موديلات فيات 128

كل السيارات الـ 128 بدءاً من سنه 1980 الى يومنا هذا تقفيل مصرى و ما قبل 1980 كان استيراد من ايطاليا ثم يوغوسلافيا (اللى هيه الزاستافا اللى شنطتها صغيرة و فيه منها موديلات موتورها ورا مش قدام)

صعب جدا ان لم يكن مستحيل تلاقى سياره 128 موديل السبعينيات بحالة جيدة لان لو كانت حالتها كويسه صاحبها هايبيعها ليه دلوقتى بعد 40 سنه

و ممكن جدا تلاقى عربيه موديل السبعينات انتقلت من مشترى لاخر و فى النص تغير فيها كل حاجه ممكن تتخيلها (من اول الصاج و الابواب و الموتور و حتى الكراسى و التابلوه) و فى الحالة دى ابعد عنها فورا لانها تعتبر تجميع الاسطى بليه

موديلات 1988 حتى 1992 كانت اول مره تنزل العربيه بموتور 1300 سى سى بدلا من 1100 و اول مره تستخدم فى تجميع العربيه مكونات ايطالى فى الموتور و الميكانيكا بجانب صاج و عفشة يوغوسلافى و تم تغيير شكل العربيه من الداخل (التابلوه و الكراسى و العدادات) و تم اضافه غيار خامس فى الفتيس و كمان تغيير شكل الابواب الاماميه بالغاء الهوايات و تغيير شكل المرايات و تم وضع كاسيت و سماعات فى العربيه (كانت بمقاييس تلك الفترة عربية وااااو بسعر مناسب)

اما كلمه GLS دى اختصار لـ Grand Lux Station و دى معناها سياره فول اوبشن بمعايير الثمانينات (لسه الكلمه مستخدمه من توكيل غبور الى الان فى سيارات الفيرنا و الالنترا لو تلاحظ)

من سنه 1993 و بعد حرب يوغوسلافيا بتاعت البوسنه و الهرسك انقطعت صلة مصر بيوغوسلافيا و تم ايقاف انتاج الـ 128 لمده 3 سنوات حتى عادت سنه 1996 (فى تلك الفترة كنا حولنا على تركيا و انتجنا الدوجان و الشاهين) بمسمى جديد اسموه NOVA تحت اشراف شركه جديدة مشتركه بين شركتى النصر للسيارات و زاستافا اليوغوسلافيه اسموها شركة يوجو مصر و انتجت كمان بجانب الـ 128 سياره اسمها فلوريدا هاتشباك بموتور 1400 سى سى على ما اتذكر لم تلاقى نجاح

النوفا 128 كانت مشهوره بضعف الصاج و العفشة و سوء حالة الفتيس و يقال ان الصاج بتاعها مصرى 100% و تقفيلها كان سيىء جدا جدا و من سنه 2000 تقريبا غيروا شكل الصالون لاخر و اضافوا سنترلوك للعربيه حتى انتهى انتاج الـ 128 فى مصر سنه 2007 او 2008 على ما اذكر ثم تم ايقاف العمل بشركة النصر للسيارات كلياً بعدها بسنه عقب انتهاء عقدها مع شركة توفاس التركية ..

المهم حضرتك سيبك من التفاصيل دى كلها و خليك فى المهم ..

ابعد عن موديلات السبعينات ..

ابعد عن النوفا 128 ما بعد سنه 2000

كده يبقى امامك :

موديلات من 1980 و حتى 1987 (مصرى ايطالى بموتور 1100 سى سى)

موديلات من 1988 حتى 1992 (GLS بموتور 1300 سى سى )

موديلات 1996 حتى 2000 (النوفا المصرى - يوغوسلافى )

مميزات وعيوب سياره فيات 128

مميزات السيارة فيات 128

أول ما تتميز به السياره رخص سعرها فهى من أرخص السيارات فى السوق المصرى ولا زالت الى الان فى سوق المستعمل .
ثانيا تتميز السياره بشكلها الانسيابى صغير الحجم مما يساعد على ظهور أى كماليات جديده تركب فيها .
ثالثا توفير جميع قطع الغيار بجميع أشكالها واسعارها مثل الصينى والتركى والايطالى مما يجعلها فى متناول الجميع .
كل هذه المميزات جعلتها أكثر شعبيه فى السوق المصرى وأصبحت أكثر سياره تباع وتشترى .
أما عيوب السياره فيات 128
أولا تباع السياره من المصنع بأقل الاسعار على مستوى السيارات وذلك لان المنتج يستخدم أقل الخامات فى الصناعه من أول التصميم البسيط والصاج الصعيف وقطع الغيار التى تعمل بعمر إفتراضى فتتغير قطعه الغيار كل 50 الف كيلو على الاكثر وذلك يجعلها مستخدمه لقطعه الغيار بإستمرار فتعوض الشركه فرق التكلفه .
ومن عيوب التصنيع أيضا تجميع السياره على فردتين شاسيه ضعاف جدا فهما عبار عن علبتين صاج فارغين من الداخل ويستخدم فيهم أقل خامات الصاج مما يجعلها ضعيفه جدا أثناء أى ارتطام من الامام .

اشهر واغلب اعطال سيارة فيات 128

(1)
تبقى ماشى بالعربيه فى الزحمه وكل شوية تبطل منك بس لو دوست بنزين زياده تفضل دايره بس اول ما تشيل رجلك من البنزين تبطل .
(حلها)
المشكله ديه بتكون من الابلاتين والكوندنسر هما السبب وده من الاسباب الشائعة فى ال 128 ويفضل انك علشان تحصن نفسك ان العيب ده ميجيلكش كل شوية انك تغير ابلاتين وكوندنسر كل شهر لازم كل شهر لان ده متوسط عمرهم الافتراضى للاسف وسعرهم بالتركيب حوالى 50 جنية وتجيب النوع الانجليزى لان الفرنسى كله اتضرب وراحت عليه خلاص.

(2)
تبقى ماشى فى طريق غير ممهد او مثالا كل مطب او فى كل طلعه وفرملة بالعربيه تسمع صوت طقطقه (طق طق )
(الحل )
ده بيبقى كده فيه عندك شرخ فى جسم وشاسيه العربيه ولازم تروح عند اقرب سمكرى كويس يلحملك الشروخ اللى بتظهر ولو لزم الامر يعملك زرجينه وبعدين يلحم الشروخ اللى عندك وخليك فاكر ان اى شرخ هيظهر وبتسمع صوته ومش هتعالجه هيفضل يكبر يكبر يكبر لغاية لما يجيب العربيه نصين وتقدر تقول على الشروخ فى ال 128 انها (عمالنا الرزى ) وعبارة عن تكفير سيئات ليك

(3)
انك تبقى سايق فى امان الله ومره واحده تيجى تدوس دبرياج تلاقى الدبرياج نزل على الارض من غير ما يطلع تانى ابدا

(الحل)
فى الحاله ديه سلك الدبرياج اتقطع منك وعموما ساعات سلك الدبرياج بيديك انذار قبل ما يتقطع وبيكون قبل ما السلك يتقطع بمده بسيطه جدا تقدر تقول مثالا بيبقى قدامك بتاع 20-50 ضغطه دبرياج وبعدها السلك هيتقطع خلاص والانذار ده بيكون عبارة عن انك كل ما بتيجى تدوس دبرياج بتسمع صوت طقطقه بسيطه جدا منه وبتحسها فى رجلك وبتسمعها بودنك ساعتها بس تعرف ان الدبرياج بتاعك سلكه هيودع فى اقرب وقت وساعتها لازم تتوجه لاقرب ميكانيكى يغيرلك سلك الدبرياج وعموما نصيحتى للجميع تشيل معاك سلك دبرياج وكمان طقم صواميل بتاع سلك الدبرياج لان طقم الصواميل القديم بيقع فى الطريق ومبتلقيهوش تانى فللاسف لو معاك سلك دبرياج بس من غير طقم الصواميل بتاعته يبقى ولا كانك عملت حاجه نهائيا

وطبعا اول ما تلاقى الدبرياج وقع على الارض يبقى حضرتك تتصل بالميكانيكى بتاعك يجيلك بسلك دبرياج وطقم صواميله ويجيلك يركبهولك او لو معاك السلك وطقم صواميله تحاول تركبه لو بتعرف او تشاور لسواق تاكس يركبهولك او لو مفيش كل ده يبقى تجيب على التانى وتشغل العربيه هتلاقى العربيه بتنط معاك وسايسها لغاية ما تمشى وامشى بالراحه على التانى لغاية ما توصل وتغيره عند اقرب ميكانيكى

(4)
علو درجة الحرارة عن الطبيعى
(الحل)
المشكلة ديه بيبقى ليها كذا سبب بس هنحاول نقولهم واحد واحد
السبب الاول :ان المروحه مبتشتغلش وفى الحالة ديه يبقى تشوف فى علبة الفيوزات عندك لو فيه فيوز محروق تغيرة او لو عندك مفتاح يشغل المروحه فى حالة مثالا ان حتى لو الفيوز اتحرق ومعاكش فيوزات تقدر تفتح المفتاح ويشغل المروحه دايركت لغاية ما توصل بالسلامه لاقرب كهربائى
السبب التانى:هو ان ممكن ترموستات الماية يكون باظ خلاص ومبقاش يشغل المروحه فى مواعيدها المظبوطه او مبيشغلهاش خالص وحالها انك تجيب ترموستات اسبانى اصلى سعره لا يقل عن 30-35 جنية وتركبه ومفيش اسبانى اصله 80-90 لا بيكون 79 - 88 درجه حرارة تعتبر مثالية ولا تفرق شىء عن ال 80-90 واوعى تجيب ايطالى او صينى لانهم مضروبين ومبيشتغلوش نهائيا ولو اشتغلوا عمرهما لافتراضى مبيعديش شهرين تلاته بالكتير وبعدين يخرافوا

السبب الثالث : هو ان المروحه خلاص كده جه اجلها وفى الحالة ديه انصحك بدل ما تجيب مروحة 128 تركب مروحة شاهين بالقميص بتاعها وفعلا مبتشتغلش كتير مقارنة بمروحة ال 128 اللى بتشتغل سنتين مروحة الشاهين مش بتشتغل اكتر من دقيقة فى اكثر الايام حرارة وبتخلى الماتور تلاجه بمعنى الكلمه

السبب الرابع :ان الماية بتنقص وممكن يكون سببها تسريب فى اى جزء من اجزاء دورة التبريد خراطيم او ردايتير او حتى غطا الردايتير ردىء الصنع ففى الحالو ديه تحاول تفحص اجزاء دورة التبريد وبعدين تشوف فين مكان التسريب وتعالجه او تغيره

(5)
العربيه بتلت و الماتور نغمة حريقه مش مظبوطه
(الحل)
علشان نعرف المشكله منين لو العربيه متلته مثالا
هنشيل سلوك البوجيهات الواحد تلو الاخر
مثالا هتشيل اول سلك لو لقيت الماتور اتأثر اول ما تشيله مثالا الماتور بطل او اترج جامد اول ما تشيل السلك يبقى تعرف ان البوجيه ده والسلك الدنيا فيهم سليمه وشغالين بكفائة وتركب السلك تانى مكانه

وتفضل كدا على نفس الحال لغاية ما تيجى عند سلك بوجيه تيجى تشيله متلاقيش اى حاجه فى نغمة حريق الماتور اتاثرت يعنى تشيل وتحط السلك وكل ده الماتور شغال طبعا ميحصلش اى حاجه يبقى تعرف ان البوجيه ده مش سليم يبقى اول حاجه وقبل ما تفك البوجيه من مكانه تقرب سلك البوجيه من جسم الماتور لو مطلعش شرارة او لو بيطلع شرارة كل فين وفين يبقى كده العيب قى السلك وتروح تغيرة بواحد تانى او لو بيطلع شرارة مظبوطه ومنتظمة يبقى تبطل الماتور وتفك البوجيه وتشوف شكله
لو لقيته مهبب يبقى اعرف ان مسمار الهوا فى الكربراتير عندك عاوز يتظبط بالمختصر المفيد يبقى تروح عند واحد بتاع كربراتير يظبطلك الكربراتير او لو لقيت فيه زيت على سن البوجيه يبقى اعرف ان ماتورك كدا خفيف وانك داخل فى نص عمره او عمرة كامله

وعلشان تحل المشكلة مؤقتا يبقى غير البوجيه بواحد جديد او اغسل اللى ماعك بالبنزين كويس واحرقه بس يفضل عموما تغيره بواحد جديد لحد ما تحل المشكله من جذورها

(6)
فى حالة انك ماشى ولقيت اى حاجه فى الكهربا مش بتشتغل مثالا الانوار الامامية مش بتشتغل او الكلاكس او كدا
(الحل)
 يبقى اقرب حاجه تبص عليها قبل ما تشتغل فى اى حاجه علبة الفوزات اللى عند رجلك وتشوف الفيوزات اللى راكبه فيها واحد واحد لو لقيت فيوز فيهم بايظ (هتلاقية بايظ انه السلك بتاعه مقطوع ومش متوصل ببعض ) يبقى تغيرة فى الحال بواحد جديد ولو اتحرق تانى يبقى تعرف ان فيه ماس عندك فى العربيه واوعى تحط جنية فضه مكان الفيوز لو الفيوز بيتحرق كل ما تركب واحد جديد لان كدا انت لو فيه ماس هتبهدل ضفيرة الكهربا وهتتسبب بمشاكل اكبر
وطبعا لازم يبقى معاك فيوزات بتاع 10 فيوزات للطوارىء كده و طبعا فى حالة كل ما تركب فيوز بدل اللى محروق يروح محروق هو كمان يبقى اعرف ان فيه عندك ماس ولازم تروح عند اقرب كهربائى يشوف الماس منين ويعزلة .

منقول من
تشخيص أغلب اعطال سيارة الشعب 128 المفاجئة موضوع مميز جدااااا                  الاستاذ  sayed2077
اللهم اغفر للمسلمين والمسلمات والمؤمنين و المؤمنات الاحياء منهم والاموات

ويوجد اعطال اخرى

1-إنقطاع سلك الدبرياج(اشهر عيوب ال128)(تمنه 10 جنيه، إحتفظ بواحد احتياطى)
2-إنكسار ملعقة الفتيس(برضة بعشرة جنيه، خلى معاك واحدة)
3-بوظان بلى الدينامو او شربونات الدينامو او طلمبة المياه(او ما تشترى العربية إعمل صيانة للدينامو واكشف على طلمبة المياه)
4- المارش بيوظ(اوتوماتيك او بلى او شربونات)(مش مشكلة، دورها زق وروح للميكانيكى)
6- سير الدينامو ينقطع (اول ما تشتريها هاتلها سير دينامو من نوع نضيف)
7- مابتدورش الصبح(لها سبب من 3، يا إما وش الإسبراتير مشروخ،بيتغير ب 15 جنيه، يا إما الكاربراتير مش مظبوط، يتتظبط، يا إما الموتور خفيف، ماتشتريش عربية موتورها خفيف)
8- مروحة الردياتير مش بتشتغل والعربية بتسخن(اول ما تشترى العربية إعمللها زرار يدوى للمروحة،تكلفته 10 جنيه، ولو تعطلت رغم تشغيل الزرار بص على فيوز المروحة)
9- الكبالن: لما تطقطق غيره، بس لو مش بيعمروا معاك لازم تتأكد ان مقاسات الشاسيه مظبوطة، ولو محتاجة ضبط إضبطها .

سعر قطع غيار سيارة فيات 128

 طرمبة مياة فيات128 ايطالى جديد اصلى


السعر  :  125.00   جنية

طرمبة مياة كاملة فيات128 جديدة ايطالى اصلى


 السعر :   175.00   جنية 

سلك فرامل يد فيات128 جديد ايطالى


 السعر  : 50.00   جنية






زوج وش فانوس خلفى فيات128 ايطالى جديد

السعر : 30 جنية للزوج

ريش مساحات نيكل ماركة كارلو ايطالى
فيات 132.131,124,125,128,127

السعر : 40 جنية مصرى

Wiper Blade nickel CARELOO

(MADE IN ITALY)

Support for FIAT 132.131.128.127.124.125

Price : 40 L.E

فانوس امامى ماركة كارلو ايطالى

فيات128

السعر : 100.00 جنية للزوج

شبكة فوانيس فيات 128
 ايطالى جديد

السعر : 60 جنية

128قربة مياة ردياتير فيات

ايطالى جديد

السعر : 25 جنية

غماز اشارة يمين و شمال ايطالى جديد

فيات 128 . فيات 132 . فيات 131

السعر : 20 جنية للزوج

Side black flasher original italy

fiat 132 . fiat 131 . fiat 128

price : 20 LE for pair

غماز اشارة يمين وشمال سلفر ايطالى اصلى جديد

فيات 128 . فيات 132 . فيات 131

السعر : 20 جنية للزوج